Audio

Text

Verdammi noch mal! Dat süht nich good ut. Dor is jo kuum noch Water unnern Kiel! Dat ward doch woll nich…? Hein, dat Lot, aber fix!

An´n 25. September 1880 is de Elsflether Bark „Margaretha“ an de argentinische Küst malheurt. Eegentlich wull se se jo na Punta Arenas an`ne chilenische Südküst, man de Stüermann harr sik mit denn Kurs verrekent un de Kaptein harr ok nik beter op sin Lüe oppasst , so dat de „Margaretha“ an`n Enn in Südamerika, wiet weg von tohuus, koppheister gahn is. Und wiel Schipp un Seelüe von hier weern geev dat denn ok hier de Seeamtsverhandlung.

Wenn Se weeten willt wo dat utgahn is denn man hier rin, in dat Schiffahrstmuseum Unnerwerser. Dat gifft dat an dree Stäen, eo´n eenen in Elsfleth, n´poar Kilometer de Werser na Süden daal, to`n tweeten in denn Telegraph anne Kaje und to`n drütten hier in dat „Borgsted und Becker“ Huus. Hier köönt Se denn gewoahr  weern wie de Geschicht  mit de  Seelüe in Südamerika utgahn is.  Und noch veel mehr kriegt Se hier to weten över Schippboa, Segekmaker, Sippstimmerlüe, Schipperee in`t ollnborger Land, Admiral Brommy und noch ganzen Bulten mehr. Bi de Schippere muss ok veel lagert weern und so geev dat hier ok ne ganze Reeg von Packhüüs und ok dat „Borgstede und Becker“ Huus weer fröher so een Packhuus. Boht hett dat 1808 de Grünner von de Oltmanns Werft, man al 1814 is dor de ingelsche Vizekonsul MacNamara intrucken. In dat Joahr 1845 hefft  dat denn de Kooplüe Borgstede und Becker kofft und von de hett bit vandagen den Noamen behooln. Siet 1985 ist dor nu dat Museum mit een groten Deel von de Museumsstücken  unnerkoamen  wiel dat in den Telegraph al beten eng wuurd. Do geev dat dat Museum al 25 Joahr und dat is een von de ölsten Spezialmuseen in Neddersassen.Mit den Joahrn is dor jümmer mal wat ännert wuurn und vandaag hefft se dat dor allns best op Stäe und von lüttje Kinder bit to`n olen Fahrensmann gifft dat dor för al wat to kieken.