Mann 1:
Wat versöchst Du mi denn hier för'n Klepper antodreihen? De löppt je nich mal richtig rund?

Mann 2:

Nu hör avers mal to! Wo löppt de denn nich richtig rund? Kiek di den doch mal richtig an! Allens, as dat ween schall. Von wegen Klepper!

Hier an der Georgstraude wör fröher de saugenannte „Rennbahn“ for denn Pieremarket, deej an de hütigen Maschstraute stattfühnt. Dat hätt: Hier dä man beurdeejlen of eejn Piert, wat man sick kaupen woll, richtig löipp un auck söss fromm wör.
De lüttke Masch, de de Straude ähren Namen geif, de hörde to de Haseniederung. Dat wö flachet, nattet Wischkenland, ideal vor son Pieremarket. Neigest an leich auck de Sandmanschke Gastwirtschaft, wor de Kaup düchtig begoaten wörd
Gegen Ende von den 19. Johrhundert wörden bie dat Haseufer mehrere Textilfabriken gründet. Een Biespell sind de Gebrüder Sanders, wor de Naufolger vandage noch dat Werk betrievet. De Lage was besünners praktisch, weil dür de Hase unbegrenzt Water tou Verfügung stönd. Utterdemm wörd auck noch eejne Isenbahntrasse verlecht. Sau konn man Rohstoffe up eenfachste Ort heranroulen un de ferrigen Produkte bequem in die Welt bringen.
To düssen Komplex hörde auck de aule Webschoule, deej in de 1930er hier bowwet wörd. Seej wör eejne Gewerbeschoule, de dat Personal vor de Fabriken qualifizeede.
In denn Anbau wör eejn Maschinensaal. In denn konn de toukünftigen Affsolventen sick utprobeerden.
Nau Unnerbrerkung dör de 2. Weltkrieg wörd 1950 de Schoule wier lösmarket. In dat dorup folgende Johrzehnt gönk et mit de Webspinnerrigge tou Ende un et wet auck keejn Personal mehr brukket. Sau wörd de Schoule dicht gemaket. Seejt 1981 wörd dat Gebäude os Jugendzentrum nutzet. Hüte hört dat tou denn Verein Universum e.V. un wet vielfach sinnvoll nutzet för soziale Projekte.