Moin, moin leeve Lüe! Brommy is mien Naam und wat ik hier upstellt heff, dor snackt man man vandagen noch von. Villicht wunnert ji joe över mien Naomen de nich so richtig düütsch klingt. Dat keem nämlich so: Ik bin 1804 as Karl Rudolf Bromme in Sassen to Welt kaomen und wull all as Kind to See föhrn. So is dat denn ok koamen und ik bin över de Weltmeere seilt. Darbi wurrd denn faken ingilsch snackt und so keem dat denn to denn Naomen Brommy weil dat de meersten lichter över de Tung gung. So weer ik denn ok in Griechenland und heff dor bit to´n Fregattenkaptein brocht.

1848 keem dat denn in Düütschland so wiet dat se ut all de lüttjen Fürstentümer een groted, eenig Land moaken wulln. Dor schulln denn ok de in´n Norden, in Holseen mit tohöörn. Man dor harr de dänische König wat gegen. Und dor heff ik denn bi´n Baas von dat Parlament in Fankfurt min bi´n Opboe von een düütsche Flotte anboen. Wat schall ik joe seggen, se  hebbt dat annahmen , Schepen kofft,  Lüe anhüürt  und mi to´n Konteradmiral moakt.

Min beste Schipp weer de „Barbarossa“ und mit noch´n poar annere Schepen sind wi denn in´n Sommer 1849 gegen de Dänen utlopen. Vör Helgoland hebbt wi se denn stellt, man se weern toveel und kreegn ok noch Hülp von den Engländers de op Helgoland stationiert weern und so mussen wi denn bidreihen.

Stationiert weer disse eerst düütsche Flotte hier in Braak. Mit dat eenig düütsche  Vadderland kreeg´n se dat in de tokaomen Joahrn in Frankfurt over nich so richtig op de Reeg und na blots veer Joahr wurr denn de Flotte all wedder oplöst. Aver sanckt ward dor vandagen noch von.

Ik bin denn ober irgendwie immer Braaker bleben; heff ne Braaker Deern heiroat und opletzt ok op den Karkhoff in Hammelwarden beerdigt wurrn. Kiekt dor man ruhig maol  vörbi und wenn ji noch mehr över mi oder de erste düütsche Flotte weten willt köönt ji dat in us  Museum gewoahr weten.