De graute Straude, de fröher auck geeden os „Neustadt“ beteiknet wörd, wör in 19. Johrhundert eejne lebendiger Standort von Handel und Gewerbe. Up aule Bälder stönden dö gemütlicke Hüser bienenner in deei fröher verschiedene luetke Geschäfte unnerbracht wörden. Sau toun Biespell de Bäckerrigge Rothert oder de Boukhändler Rudolf Gottlieb. Ollerdings existeden in düsse Straude auck Exponenten von eejne ganz anneren„ moderneren“Tiet, nämlick de Fabriken von Ruwe und Künsemüller. Do wüdden verschiedene Douks sponnen und färbet.
Un dann geif et in de grauten Straude eejnen „Arbeerter Husholtverein“, eejn Konsum von de Arbeerterschaft. Von düsse Vorform von den Supermarkt konnen denn Mitglieder von denn Verein eeiniges an Lebensmittelkosten inspourden in Tieten, in de Fabrikarbeit schlecht betahlt wörd un kaum soziale Absicherung existeede. Dat wör vor de Arbeerter dringend neudig. Ouwerhaupt wör dei Arbeerterschaft dür de Industrie in Braumschke stark vertriern un et geif den bekannten Spruerk „Von dat rooe Braumschke“.
Und noch wat Moderneres: Aff 1918 geif dat hier in de Straude de „Skala Lichtspierle“, eejn Kino! Domit quaimp in Braumschke de graute wiete Welt mit beweglicken Bäldern.
Apropo graute, wiete Welt! Eejn Junge, de hier in düsse Straude upwassen is, quaimp schließlick in dat graute Berlin. Daumals was dat eejne von de grötsten Metropole Europas, ümme dou eejn düchtigen Modedesigner tou wäden. Dat wör Hermann Eggeringhaus, Hej gründede in Berlin dat Modehus „Schröder und Eggeringhaus“, dat in Vorkriegsberlin de Inbegriff von modisch und schön wör. In de 30er Johre is de berühmte Heinz Oestergard bee ehm in die Lähre kurmen. Läter hef hey os Designer das Versandhus Quelle groutmaket. Un in de 70er Johren heff hej de gröun-beige Polizeiuniform designerd. Dat is sicher noch männicheejnen in Erinnerung.
De graute Straude in Braumschke heff sick nau de 60er Johre vielfach verennert. Hüser und Fabrikanlagen wörden affbroarken. De Bestand von Hüser wörd niggesmaket und modernisiert. Dodür is sietdem vierles schlichtwech praktischer und tietanpassend worden. Dat olles heff doutaut biedroagen, dat dee ursprünglicke Charakter eejn Stück wiet verschwuunen is.