Wo is denn hier de Marktplatz? So een richtig olen Marktplatz twüschen  Rathuus und Kark.

Tja, sowat ward man hier nich finnen, denn soeen gift dat hier nich. De Stadt is ut lüttje Siedlungen tosammenwussen un dorum gifft ok kien`n Marktplatz midden inne Stadt as annere Städte dat hefft.

Man dor wo wi jetzt stoaht is so teemlich de Midde von us Stadt und dat is de Postplatz. De hett denn Noamen von dat ole kaiserliche Postamt dat se hier 1896 boat hebbt. Post geev dat hier vörher ok al, man dat hebbt siet 1707 von Ovelgünn ut stüürt.  Dat eerste Postamt in Braak weer denn in dat ole Wohnhuus von Admiral Brommy in de Mitteldiekstraot.

In de jetzige, ole Post is nu over ok kiene Post mehr, dor sind nu annere Büros unnerkoamen. In dat Geböde schräg gegenöver weer siet 1895 dat Verwaltungsamt und dat Amtsgericht unnerbröcht. Vondag is dat de Sitz von denn OOWV, dat is de Ollborgisch Ostfreesche Waterverband.  De Lüe dor kümmert sich dorum, dat all von`n Dümmer bit anne Küst mit frisch Water versorgt weerd.

Un Markt is op dissen Postpaltz ok. Jümmers Middewekens und Sünnabends is hier de Weekenmart. Dor kriggt `n denn allens wat dat so op een Mart gifft und dropt sik to`n lüttjem Klönschnack. Kiekt man moal vorbi, de Hannelslüe freut sik.