„Arp Schnitger weer al to Leevtied eene Legende. Nüms kunn Orgeln beter boahn as Arp Schnitger“

„Arp Schnitger hett bi´n Instrumentenboe just so eene Rull speelt as Bach bi de Musik“

„Arp Schnitger is de Stradivari bi de Orgeln“

So hebbt se denn in Braak geborenen Orgelboer wiet över Düütschland henweg beschreben. Sein Naomen steiht för de barocke Karkenorgeln as keen annern.

1648 is he in Schmalenfleth, ganz in´n Nörden von Braak, geborrn wurrn. Sein Naomen leet al ahnen wat he moal weern schull: Schnitger, wat soveel bedüde wie Schnitzer oder Dischler. Dat hett he denn ok bi sin Vadder leernt und darno is he na Glückstadt goahn um Orgelboer to weern. Dor is denn ok sin handwarklichet Geschick und sin fein Ohr för de Musik opfullen. As he mit sin Meister de Orgel von St. Wilhadi in Stadt boat hett is de doröverhen sturvn und Arp Schnitger hett de Orgel alleen to Enn boat und sik kort darnah as Meister selbstständig maokt.  Twüschen Groningen und Berlin und ok noch wieter weg, överall find man Orgeln wo he an arbeitet hett. Rund 170 Orgeln hett he nee oder umboat. Um dat al to schaffen harr he över ganz Norddüütschland verdeelt enkelte Warkstäen. Sien Hauptstäe weer ober de Orgelboerhoff bi Hamborg denn he von sin Swegervadder kofft harr.

Braak bleev ober sin Heimat und de Orgel in Golzwarden hett hedenn ok meist für umsünst woller op Schuss brocht. Good 30 von sine Orgeln sind vandag noch so as he de boat hett, bi de in Golzwarden is man blots noch de Prospekt, dat is dat wo man opkiekt, von em sülben. Berühmt weer he all as he noch leevte, man Bilder gifft dat von em nich. In de Golzwarder Kark hangt een Bild von een Organisten von denn man over dat Gesicht nich sehn kann.  Mach ween, dat he dat is.

Sturven is he 1719 und in de St. Pankratius Kark in Hamborg beerdigt wurrn.

Weil he hier geborrn is gifft dat in Braak ok eene Gesllschaft mit sein Naomen. De Lüe dor organiseert Musikabend und ok annere Veranstaltungen to dat Rebeet und hefft ok ne ganz moie Utstellung op de Been stellt.