De Pulvertorn kik wat minn ut, wenn een em van Schloßwall ut süch. Steiht een vör em un so wat unner de Straote van vandaoge, dann lat he reel nao een Steen in Weg van de Lüe, de de Ollenborgers nich in ehr Stadt rinlaoten wulln. He is nich so wöst, as de Pulvertorn in Prag, man siene Müüren weert off. De läipsten Tieden unner den krawalligen Graf Gerd wassen vörbi, in de Ollenborg lang angrepen wöör, eh he baut was. 1529 is he as graote Dwinger vör dat Eversten Tor upricht worrn.
Besünners an usen Pulvertorn is de Aort van siene Müürn. Hierumtau baut bolde kieneen up Steene, de et in Norddüütschland nich giff, man mit Backsteene. De verscheeden Klörn van de Steene vertellt van de Form van de Pulvertorn tau de verscheeden Tieden. An Anfang was et eene Bastion, up dat lieke Dack stünnen de Kanonen, de de Brügg över den Schloot nao Eversten frei hollen schulln. De Kuppel hebbt se 1600 darup müürt. Hunnert Jaohr löter hebbt de dänschen Graofen ehr Pulver in den Bau laogert, so is he tau sienen Naomen kaomen.
Nao 1800 brukde nüms mehr een Müür üm de Stadt, so hebbt se se afreten un de Stadt is över sik rutwassen. De Pulvertorn blef aleenig över, vanwegen tau de Tied was he lang heel anners insett. Siene dicken Müürn hollen fein kold, so was he sowat as de Koolschap van dat Schloß tegenan. Butendem lat et nao wat in de Ugen van de Lüe ut de Tied, so een ollen Torn in den Schloßgaorn tau hebben. Vandaoge is he Tüge van de lang Geschicht van Ollenborg un een Teken, mit de se praohlt. Butendem weert in em feine Kunst un anners utstellt – een besünner Ruum as Achtergrund.